我們的故事
從學師開始
黃漢師傅在16歲時, 來到香港, 到步後便搬去灣仔與鄉里同住; 因自己沒有讀過書, 後來被介紹在灣仔學師做洋服。 曾試過在尖沙咀學師的黃師傅, 慶幸自己對做洋服有天份, 學師只有一年多便能學會做洋服技巧。 後來認識了現時的業主, 當時那業主提出他「出鋪位, 我出人」, 於是在1964年黃師傅便於灣仔開了一間洋服店。 這50多年的時光就在這洋服店度過了, 一直沒有離開過
仍有捧場客
但隨後做洋服生意便逐漸困難, 到了80年代時, 聘請伙記也不容易, 由於當時沒有人願意入行, 令洋服師傅的數目減少, 很多行家更轉行當看更或駕駛的士。 進入90年代, 生意變得更差, 因當時很多商店都有做好了的西裝售賣。 黃師傅表示幾年以前, 他不但沒有錢賺, 還要貼錢, 無巧不成話: 「戲院唔掂, 洋服跟住又唔掂」, 這是黃師傅所發現的巧合。 但為了一班好客人, 他決心堅持生意。
我們已為1000+ 客人提供 西服, 禮服 訂造的服務, 以下是部份作品以作參考.
以下為簡單20份鐘介紹怎製造西裝, 以及造選購西裝要留意的地方.
為何選擇我們?
我哋係一間喺港島區經營咗50年嘅洋服店，沒有財雄勢大嘅財力， 係一間小規模嘅老店，我哋用心做好每一套西裝給每一個客人，而且每一套西裝都係黃師傅一針一線縫製而成．
我哋可以經營到現在，都係靠 客人嘅口碑，我哋嘅客人包括一些專業知名人士 包括大學教授，醫生， 律師，藝人， 運動員.
坊間有些洋服店標榜係人手製做， 但其實係用車衣機做， 所以佢哋唔能夠提供每個客人身型不同嘅需要，就算有些標榜係人手做，但係佢哋可能度身嗰位師傅，同試身嗰位師傅， 同埋真係做西裝嗰個嘅師傅係唔同人；所以佢哋做出嚟嘅西裝未必係客人最滿意． 而我哋度身， 試身，同埋做西裝都係黃師父親身去做， 所以好知道客人嘅要求， 亦都可以做到一個最合適客人嘅西裝．
而且黃師傅本人亦都好鍾意同客人去分享做西裝嘅樂趣，同佢亦都唔介意分享造西裝嘅技巧畀各位，所以每個客人都最後都變成黃師傅嘅朋友，所以黃師傅其實係想利用呢個平台去傳承返做西裝，做裁縫呢個工藝畀其他人．
如果你真係想訂造西裝，相信你都係一位對西裝有要求嘅人，你都希望可以知道其實一套西裝係點樣去做得比較完美，如果你嚟到我哋嘅洋服店一定可以令到你知道，原來做西裝係可以有好多唔同嘅知識， 同學問。
其實如果你係想搵人去訂造西裝，相信你係想搵一個師傅，可以做一套合適你嘅西裝。其實搵一間做西裝嘅店舖最緊要其實係揾師傅，歡迎你哋瀏覽我哋嘅網頁睇一睇，黃師傅以前接收的訪問同埋佢對呢個裁縫西裝嘅行業嘅人一些見解，咁你可以認識黃師傅多一些。
希望有機會有緣，見到各位，感謝。